برازیل کی ریاست سا پالو میں موسلادھار بارش کے بعد سیلاب اور لینڈ سلائیڈنگ سے 36افراد جاں بحق جبکہ سیکڑوں لوگ بے گھر ہوگئے،غیر ملکی میڈیا کے مطابق سیلابی صورتحال کے باعث سا پالو کے گورنر نے پانچ ساحلی شہروں میں ایمرجنسی نافذ کر دی ہے، سیلاب اور لینڈ سلائیڈنگ کے باعث متعدد علاقے زیر آب آ گئے ہیں اسکے ساتھ پہاڑوں پر بنے گھر بھی بہہ گئے جبکہ کئی گاڑیاں بھی تباہ ہوگئیں،سائو پائولو شہر سے 200کلومیٹر فاصلے پر واقع ایک ٹاون میں 24گھنٹوں کے دوران 600ملی میٹر بارش ریکارڈ ہوئی۔ سیلاب کے باعث ابتک 566افراد بے گھر ہوچکے ہیں،سیلابی صورتحال اور لینڈ سلائیڈنگ کے باعث امدادی ٹیمیں کئی جگہوں تک نہیں پہنچ سکیں۔

کریڈٹ: انڈیپنڈنٹ نیوز پاکستان-آئی این پی