بغداد میں امریکی شہری فائرنگ سے ہلاک ہو گیا ۔ عراقی ذرائع ابلاغ کا کہنا ہے کہ ایک امریکی شہری بغداد میں نامعلوم مسلح افراد کے حملے میں ہلاک ہوا ہے۔میڈیا رپورٹوں کے مطابق بغداد کے الکراد خارج علاقے میں مسلح افراد نے امریکی شہری کی گاڑی پر فائرنگ کی جس کے نتیجے میں وہ ہلاک ہوگیا۔ دوسری جانب بغداد الیوم نے کینیڈا کی مسلح افواج کے حوالے سے رپورٹ دی ہے کہ اس کا ایک فوجی افسر بغداد میں مشتبہ حالت میں انتقال کر گیا۔ ان دو واقعات کے بارے میں مزید تفصیلات ابھی تک سامنے نہیں آئیں۔

کریڈٹ: انڈیپنڈنٹ نیوز پاکستان-آئی این پی