بھارتی وزیراعظم نریندر مودی کی انتہا پسند پالیسیوں کی وجہ سے پولیس بھی ذہنی اذیت کا شکار ہے۔ بھارت میں سینئر پولیس افسر نے بیوی اور بھتیجے کو قتل کرکے خودکشی کرلی۔ بھارتی میڈیا کے مطابق یہ واقعہ ریاست مہاراشٹرا میں پیش آیا جہاں 57 سالہ اسسٹنٹ پولیس کمشنر نے پہلے اپنی بیوی اور بھتیجے کو فائرنگ کرکے قتل کیا اور پھر خود اپنی جان لے لی۔ پولیس کا کہنا ہے کہ واقعہ تقریبا رات ساڑھے تین بجے پیش آیا، اسسٹنٹ پولیس کمشنر بینر ایریا میں واقع بنگلے میں رہائش پذیر تھے اور انہیں حال ہی میں امرواتی میں اے سی پی تعینات کیا گیا تھا۔ پولیس کا کہنا ہے کہ جہاں پولیس نے خودکشی کی وہاں سے کوئی نوٹ نہیں ملا ،جس سے اندازہ لگایا جاسکے کہ خودکشی کی وجہ کیا تھی۔

کریڈٹ: انڈیپنڈنٹ نیوز پاکستان-آئی این پی