بھارتی حکومت کی جانب سے اعلان کیا گیا ہے کہ یکم فروری سے سگریٹ، بیڑی(پتوں سے بنی سیگریٹ) ، پان مسالہ اور تمباکو سے متعلق دیگر مصنوعات مہنگی کردی گئی ہیں ۔ بھارتی حکومت کی جانب سے ان مصنوعات پر نئی ایکسائز ڈیوٹی اور ہیلتھ اینڈ نیشنل سیکیورٹی سیس (اضافی ٹیکس) نافذ کردیا گیا ہے۔بھارتی میڈیا کے مطابق یکم فروری سے پان مسالہ، سگریٹ اور تمباکو پر 40 فیصد جی ایس ٹی عائد کیا گیا ہے جبکہ بیڑی پر 18 فیصد جی ایس ٹی لاگو رہے گا۔ جی ایس ٹی کے علاوہ پان مسالہ پر ہیلتھ اینڈ نیشنل سیکیورٹی سیس اور تمباکو مصنوعات پر اضافی ایکسائز ڈیوٹی بھی وصول کی جائے گی۔یہ نئے ٹیکس اور سیس موجودہ جی ایس ٹی کمپنسیشن سیس کی جگہ لیں گے جو یکم فروری سے ختم ہو جائے گا۔بھارتی حکومت کے مطابق ان اقدامات کا مقصد عوام کی صحت اور قومی سلامتی سے متعلق اخراجات کے لیے وسائل فراہم کرنا ہے۔

کریڈٹ: انڈیپنڈنٹ نیوز پاکستان-آئی این پی