بھارت میں ایک اسکول طالبہ نے اسکوٹی چوری کرکے سب کو حیرت میں مبتلا کردیا۔ بھارتی میڈیا کے مطابق یہ واقعہ ریاست اترپردیش کے شہر وارانسی میں پیش آیا جہاں ایک کم عمر اسکول طالبہ نے وہ کام کیا جو کسی کے گمان میں بھی نہ تھا۔ اسکوٹی کی مالکن نے بتایا کہ ایک اسکول یونیفارم پہنی طالبہ میرے پاس آئی اور اسکوٹی کو ہٹانے کیلئے چابی مانگی۔ خاتون نے کہا کہ یونیفارم کو دیکھ کر طالبہ کو اسکوٹی کی چابی دے دی جس نے اسکوٹی کو راستے سے ہٹانے کے بہانے اسٹارٹ کیا۔ بھارتی میڈیا کے مطابق طالبہ کی اس چوری کو سی سی ٹی وی نے محفوظ کرلیا ہے جس میں دیکھا جا سکتا ہے کہ لڑکی نے احتیاط سے اسکوٹی کو گھمایا اور پھر وہ اسکوٹی اسٹارٹ کرکے آرام سے چلتی بنی۔ خاتون نے اسکوٹی چوری ہونے کی ایف آئی آر درج کروا دی جس پر پولیس نے طالبہ کی تلاش شروع کردی ہے۔

کریڈٹ: انڈیپنڈنٹ نیوز پاکستان-آئی این پی