بھارتی ریاست بہار میں 9 افراد کو مار ڈالنے والے ٹائیگر کو گولی مار کر ہلاک کر دیا گیا۔بھارتی میڈیا کے مطابق مذکورہ ٹائیگر نے گزشتہ 4 دن کے دوران 1 بچے سمیت 4 افراد کو ہلاک کر دیا تھا جبکہ یہ ٹائیگر کل 9 افراد کو موت کے گھاٹ اتار چکا تھا۔رپورٹس کے مطابق ان مزید 4 ہلاکتوں کے بعد اس ٹائیگر کے حوالے سے دیکھتے ہی گولی مارنے کے احکامات بھی جاری کر دیے گئے تھے۔بھارتی میڈیاکے مطابق محکمہ جنگلات نے ٹائیگر کو پکڑنے کے لیے 400 افراد کی ٹیم تشکیل دی تھی جبکہ 1 اسنائپر شوٹر کو بھی بہار طلب کیا گیا تھا۔

کریڈٹ: انڈیپنڈنٹ نیوز پاکستان-آئی این پی