امریکی وزیر خارجہ مارکو روبیو نے کہا ہے کہ انہوں نے بھارت کو نئی دہلی میں ہونے والے دھماکے کی تحقیقات میں مدد کی پیشکش کی ہے۔کینیڈا میں جی سیون اجلاس کے بعد میڈیا سے گفتگو میں امریکی وزیرخارجہ نے کہا کہ بھارت کو مدد کی پیشکش کی ہے لیکن بھارت خود اچھی تحقیقات کی صلاحیت رکھتا ہے اسی لئے بھارت کو ہماری مدد کی ضرورت نہیں۔مارکو روبیو نے سعودی ولی عہد محمد بن سلمان کے دورہ واشنگٹن میں اچھے معاہدوں پر دستخط ہونیکی امید ظاہر کرتے ہوئے کہا کہ سعودی ولی عہد کے دورہ واشنگٹن میں کچھ اچھے معاہدوں پر دستخط ہوں گے۔ انہوں نے کہا محمدبن سلمان اگلے ہفتے دورہ واشنگٹن میں صدر ٹرمپ سے ملاقات کریں گے، معاہدوں سے متعلق کچھ چیزیں ہیں جن کو حتمی شکل دینے کی ضرورت ہے۔

کریڈٹ: انڈیپنڈنٹ نیوز پاکستان-آئی این پی