مودی سرکار نے سرحدی علاقوں خصوصا پاکستان کی جاسوسی کے لیے ہنگامی طور پر ڈرون خریدنے کا فیصلہ کیا ہے،نجی ٹی وی کے مطابق بھارتی فوجی ذرائع نے اس بات کی تصدیق کی ہے کہ حکومت کی جانب سے دفاعی فوج کو دیے گئے فاسٹ ٹریک کے اختیارات کے تحت 750ڈرونز خریدنے کے لیے ٹینڈر جاری کیے گئے ہیں، بھارتی میڈیا کا کہنا تھا کہ ہنگامی طور پر ڈرونز خریدنے کا مقصد اسپیشل فورسز کی قوت مزید مضبوط کرنے کی کوشش ہے،بھارتی فوج کی جانب سے 750ڈرونز ہنگامی طور پر خریدنے کے لیے چند روز قبل ہی ٹینڈر جاری کیے گئے ہیں، ان ڈرونز کو بھارتی فوج کے پیراشوٹ (اسپیشل فورسز)بٹالین کے حوالے کیا جائے گا، بھارتی فوجی ذرائع کا کہنا تھا کہ جس (آر پی اے وی)ڈرونز کی خریداری کا فیصلہ کیا گیا ہے، یہ ہر طرح کے حالات میں کام کرنے اور اپنے ہدف کو تلاش کرنے کی صلاحیت رکھتے ہیں۔

کریڈٹ: انڈیپنڈنٹ نیوز پاکستان-آئی این پی