اسرائیلی فوج نے 7اکتوبر کے بعد مغربی کنارے سے 3,200فلسطینیوں کو گرفتار کیا ہے ،عرب میڈیا رپورٹ کے مطابق 7اکتوبر کو حماس کے حملے کے بعد مغربی کنارے سے گرفتار ہونیوالے تین ہزار دوسو شہریوں میں 200بچے، 80خواتین اور 41صحافی شامل ہیں ،عرب میڈیا نے موجوہ اور سابق فلسطینی قیدیوں کے امورسے متعلق فلسطینی کمیشن کے اعداد و شمار کے حوالے سے ایک رپورٹ میں کہا کہ 7اکتوبر سے مغربی کنارے اور مقبوضہ بیت المقدس کے مشرقی حصے سے گرفتار کئے گئے فلسطینیوں کی تعداد 3,200تک پہنچ گئی ہے، ان میں 41صحافی شامل ہیں جن میں سے 29 رپورٹر تاحال اسرائیلی قید میں ہیں،رپورٹ کے مطابق قیدیوں میں سینکڑوں زخمی حالت میں ہیں جنہیں طبی امداد کی ضرورت ہے،واضح رہے کہ حال ہی میں حماس اور اسرائیل کے درمیان قیدیوں کے تبادلے کے معاہدے کے تحت 19سال سے کم عمر کے درجنوں فلسطینیوں کو اسرائیل جیلوں سے رہا کروایا گیا ہے۔

کریڈٹ: انڈیپنڈنٹ نیوز پاکستان-آئی این پی