اسرائیلی فوج کی جانب سے وسطی شام میں فضائی حملے کئے گئے ہیں، جس کے نتیجے میں 5افراد جاں بحق اور 19زخمی ہوگئے،اسرائیلی فوج نے طرطوس اور حما گورنری سمیت دیگر علاقوں میں فوجی مراکز کو نشانہ بنایا، جس سے متعدد ہلاکتیں ہوئیں،غیر ملکی میڈیاکے مطابق شامی فضائیہ کی جانب سے کچھ میزائلوں کو تباہ کردیا گیا جبکہ حملوں میں زخمی افراد میں سے کچھ کی حالت تشویش ناک بتائی جارہی ہے۔رپورٹس کے مطابق اسرائیلی حملے کے باعث ہائی وے کو بھی نقصان پہنچا ،اس سے قبل اسرائیل کی جانب سے یہ دعوی کیا گیا ہے کہ جنوبی لبنان میں حزب اللہ کے ٹھکانوں پر بمباری کی گئی ہے۔عرب میڈیا کے مطابق سرائیل کی جانب سے جنوبی لبنان میں کئے گئے حملے کے نتیجے میں طبی عملے کے 3اہلکار ہلاک ہوگئے، جس کے بعد صورتِ حال کشیدہ ہو گئی،عرب میڈیا کی رپورٹ کے مطابق حزب اللہ نے جوابی کارروائی کرتے ہوئے اسرائیل کے علاقے کریات شمعون کی 2بستیوں کو نشانہ بنایا،حزب اللہ کے مطابق اسرائیلی بستیوں پر حملہ جنوبی لبنان میں حملے کے جواب میں کیا گیا ہے۔

کریڈٹ: انڈیپنڈنٹ نیوز پاکستان-آئی این پی