اسرائیلی وزیر اعظم بن یامین نیتن یاہو نے کہا ہے کہ یوکرین کو آئرن ڈوم دفاعی نظام دینے کے لیے مشاورت جاری ہے، نیتن یاہو نے دورہ فرانس کے دوران فرانسیسی میڈیا سے گفتگو کرتے ہوئے کہا کہ روس یوکرین جنگ کو ختم کروانے کیلیے ہم سب کو کردار ادا کرنا ہوگا،ہم یوکرین کے ساتھ ہیں اور جہاں تک آئرن ڈوم دفاعی نظام کی فراہمی کا سوال ہے تو ہم اس پر مشاورت کر رہے ہیں،نیتن یاہو نے کہا کہ آئرن ڈوم دفاعی نظام کی یوکرین کو فراہمی کا فی الوقت حتمی فیصلہ نہیں کیا گیا ہے،روس اور یوکرین کی خواہش اور امریکی حمایت کو مد نظر رکھتے ہوئے ہم روس اور یوکرین کے درمیان مصالحانہ کردار ادا کر سکتے ہیں۔

کریڈٹ: انڈیپنڈنٹ نیوز پاکستان-آئی این پی