صیہونی فوج کی جانب سے نہتے فلسطینیوں پر ظلم و ستم کا بازار گرم ہے، جنوبی غزہ پر اسرائیلی جنگی طیاروں کی بمباری جاری ہے، اسرائیلی فوج نے ایک مسجد اور 2رہائشی عمارتوں کو بھی نشانہ بنایا ، عالمی میڈیا کی رپورٹ کے مطابق صیہونی فوج نے رفاہ میں ہسپتال کے قریب فضائی حملہ کر دیا، خان یونس اور جبالیہ کیمپ پر بھی بمباری کے نتیجے میں ایک دن میں 85فلسطینیوں کو شہید کر دیا گیا،میڈیا رپورٹس کے مطابق جنوبی غزہ میں صیہونی فوج نے رفاہ شہر میں ایک سکول کی عمارت میں رہائش پذیر بے گھر فلسطینیوں پر حملہ کر دیا جس میں بڑے پیمانے پر جانی نقصان کا خدشہ ہے، اسرائیلی فوج نے ایک مسجد اور 2رہائشی عمارتوں کو بھی نشانہ بنایا ہے،فلسطینی وزارت صحت کا کہنا ہے کہ اسرائیل نے خان یونس میں ریڈ کریسنٹ کے ہیڈ کوارٹر پر بمباری کی جس میں درجنوں شہری زخمی ہوئے ہیں، کویت ہسپتال میں زخمی کے علاج کیلئے جگہ کم پڑ گئی، روزانہ ایک ہزار زخمیوں کی آمد جاری ہے،ادھر صیہونی فورسز نے مغربی کنارے کے قریب 16سالہ نوجوان کو گولیاں مار کر شہید کر دیا ، غزہ میں مواصلاتی نظام اور انٹرنیٹ سروسز ایک بار پھر بند ہوگئی ہیں۔

کریڈٹ: انڈیپنڈنٹ نیوز پاکستان-آئی این پی