ترکیہ کے سابق وزیراعظم احمد داد اعولو نے کہا ہے کہ اسرائیل کا صومالی لینڈ کو تسلیم کرنا خطرے کی گھنٹی ہے۔اپنے بیان میں انہوں نے کہا کہ یہ مسلم ممالک کے ٹکڑے اور اہم ریاستوں کو کمزور کرنے کی حکمتِ عملی کا حصہ ہے۔احمد داد اعولو نے کہا کہ اسرائیل خلیج عدن سے بحیرہ احمر کی بربیرا بندرگاہ تک رسائی چاہتا ہے۔ان کا مزید کہنا تھا کہ اس اقدام سے اسرائیل اہم مسلم ممالک مصر اور سعودی عرب کو گھیر لے گا۔انہوں نے کہا کہ ترکیہ، مصر، سعودی عرب مل کر امریکی صدر اور برطانوی وزیراعظم سے بات کریں۔سابق ترک وزیر اعظم نے کہا کہ بروقت اقدام نہ کرنے والے ممالک اور رہنما تاریخ کے سامنے ذمہ دار ہوں گے۔

کریڈٹ: انڈیپنڈنٹ نیوز پاکستان-آئی این پی