چین کی پک اپ ٹرک مارکیٹ میں اپریل میں مسلسل توسیع دیکھی گئی اور اس سال کے آغاز سے گاڑیوں کی مانگ میں بتدریج بہتری آئی جس سے ملکی اورغیر ملکی سطح پر فروخت میں اضافہ ہوا۔چائنہ پیسنجر کار ایسوسی ایشن کے مطابق چین میں پک اپ ٹرکوں کی فروخت گزشتہ ماہ 42ہزار یونٹس تک پہنچ گئی جو گزشتہ سال کی نسبت 24.5 فیصد زائد اور پچھلے پانچ سالوں میں درمیانے درجے کی اعلی سطح پر رہی۔اپریل میں پک اپ ٹرکوں کی پیداوار میں 22 فیصد کا سالانہ اضافہ ریکارڈ کیا گیا جبکہ انکی برآمدات میں گزشتہ سال کی نسبت 16.5 فیصد اضافہ ہوا۔ایسوسی ایشن نے کہا کہ بیرون ملک طلب میں تیزی سے اضافے سے چین کی پک اپ ٹرک کی برآمدات کو برقرار رکھنے میں مدد ملی۔

کریڈٹ: انڈیپنڈنٹ نیوز پاکستان-آئی این پی