ایران نے اپنے اندرونی معاملات میں مداخلت پر برطانوی سفیر کو محکمہ خارجہ طلب کرکے احتجاج ریکارڈ کرایا ہے ۔ایرانی خبررساں ادارے کی رپورٹ کے مطابق برطانوی محکمہ خارجہ کے حکام کی جانب سے ایران کے اندرونی معاملات میں مداخلت کے رد عمل پر ایرانی محکمہ خارجہ نے تہران میں تعینات برطانوی سفیر "سایمون شرکلیف" کو طلب کیا ہے۔ ایرانی محکمہ خارجہ کے ڈائریکٹر مینجر برائے مغربی یورپ کے امور نے اس اجلاس میں اس بات پر زور دیا کہ اسلامی جمہوریہ ایران، جعلی اور اشتعال انگیز باتوں کی آڑ میں برطانیہ کی جانب سے ایران کے اندورنی معاملات کو سختی سے مسترد کرتے ہوئے اس کی مذمت کرتا ہے۔انہوں نے مزید کہا کہ بڑی افسوس کی بات ہے کہ برطانوی فریق، یکطرفہ اور امتیازی بیانات جاری کرنے سے اس بات کو ظاہر کرتی ہے کہ وہ عملی طور پر اسلامی جمہوریہ ایران کیخلاف معاندانہ سنریو میں کردار ادا کرتی ہے۔اس موقع پر ایرانی محکمہ خارجہ کے عہدیدار نے کہا کہ اسلامی جمہوریہ ایران کے پاس برطانیہ کے ہر قسم کے جارحانہ اقدام کیخلاف جوابی کاروائی کے بہت سارے آپشنز ہیں۔

کریڈٹ: انڈیپنڈنٹ نیوز پاکستان-آئی این پی