امریکا میں ایک ہائی وے کے کنارے سیاہ ریچھ آبیٹھا ہے جو کہ ذہنی تنا ئوکی علامات کا مظاہرہ کررہا ہے، حکام نے عوام کو اس کے ساتھ سیلفیز لینے سے منع کردیا ہے،میڈیا رپورٹس کے مطابق فلوریڈا میں حکام لوگوں سے مطالبہ کررہے ہیں کہ وہ سڑک کے کنارے نظر آنے والے اداس ریچھ کے ساتھ سیلفی لینا بند کر دیں،والٹن کائونٹی شیرف کے دفتر نے سوشل میڈیا پر پوسٹس شیئر کیں جس میں بتایا گیا کہ سیاہ ریچھ نے رواں ہفتے کے اوائل میں سانتا روزا بیچ میں ہائی وے 98کے کنارے کی جگہ کو اپنی آماجگاہ بنا لیا ہے۔ ریچھ پریشان اور افسردہ قرار دیا گیا ہے،پوسٹ میں یہ بھی کہا گیا کہ والٹن کائونٹی شیرف کے دفتر ہائی وے 98کے شمال کی طرف اس ریچھ کی نگرانی کر رہے ہیں۔ سڑک سے گزرنے والے شہری ریچھ کے ساتھ سیلفی لینے کی کوشش کرتے ہیں تاہم ریچھ تصویریں لینے کے موڈ میں نہیں ہوتا۔ ریچھ میں شدید تنائو کے آثار دیکھے گئے ہیں۔

کریڈٹ: انڈیپنڈنٹ نیوز پاکستان-آئی این پی