امریکا کے ایک خطے میں ہائیکنگ کررہے تین نوجوان لڑکوں نے غیر متوقع طور پر ایک خونخوار ڈائنوسار کا م فوسل دریافت کر لیا۔میڈیا رپورٹس کے مطابق ریاست نارتھ ڈکوٹا میں 3نوجوان لڑکوں نے زمین سے کوئی چیز ابھری ہوئی دیکھی اور یہ جان کر حیران رہ گئے کہ انہوں نے دراصل ٹی-ریکس فوسل دریافت کرلیا ہے۔دو بھائی جیسن اور لائم فشر جن کی عمریں 10اور 7سال ہیں اپنے 9سالہ کزن کیڈین میڈسن اور اپنے والد سیم فشر کے ساتھ نارتھ ڈکوٹا کے ایک علاقے میں ہائیکنگ کررہے تھے کہ جب انہوں نے ایک غیر معمولی چیز زمین سے نکلی ہوئی دیکھی۔انہوں نے فورا اپنے والد کے ہم جماعت ٹائلر لائسن سے رابطہ کیا جو اب ماہر حیاتیات ہیں ۔ فیملی نے ٹائلر سے اس عجیب و غریب شے کی نشاندہی کرنے کی درخواست کی،ٹائلر اور اس کی سائنسدانوں کی ٹیم جائے وقوعہ پر پہنچی جہاں انہوں نے اس چیز کی شناختٹی ریکس فوسل کے طور پر کی۔یہ فوسل 21جون کو ڈینور میوزیم آف نیچر اینڈ سائنس میں عوامی نمائش کے لیے پیش کیا جائے گا۔

کریڈٹ: انڈیپنڈنٹ نیوز پاکستان-آئی این پی