امریکہ کے سب سے طویل العمر صدر جمی کارٹر کی حالت نازک ہے۔ ان کے پوتے نے بتایا ہے کہ وہ اپنے اختتام کے بہت نزدیک ہیں۔99 سالہ جمی کارٹر 2023 کے اوائل سے اسپتال میں ڈاکٹرز کے ایک پینل کے زیِرنگرانی ہیں۔ جیسن کارٹر نے گزشتہ ہفتے اپنے دادا سے ملاقات کی اور ان سے حال پوچھا تو وہ بولے یہ تو میں خود بھی جانتا۔ جمی کارٹر کو روزیلین کارٹر سمپوزیم آن مینٹل ہیلتھ پالیسی میں رکھا گیا ہے۔جمی کارٹر 1977 سے 1981 تک امریکا کے انتالیسویں صدر رہے۔ وہ صدر کے منصب سے سبک دوشی کے بعد سب سے زیادہ جینے والے فرد بھی ہیں۔ انہوں نے امریکا کے سابق صدر کی حیثیت سے 43 سال گزارے ہیں۔جارجیا ریکارڈر کی ایک رپورٹ کے مطابق کارٹر سینٹر، اٹلانٹا میں تقریب کے دوران جیسن کارٹر نے کہا کہ جب میں اپنے دادا سے ملا تو انہیں بتایا کہ لوگ ان کی صحت کے بارے میں جاننا چاہتے ہیں تو انہوں نے کہا یہ تو میں خود بھی نہیں جانتا۔ یاد رہے کہ جمی کارٹر غیر معمولی حسِ مزاح رکھتے ہیں اور خوش مزاجی کے لیے بھی معروف ہیں۔

کریڈٹ: انڈیپنڈنٹ نیوز پاکستان-آئی این پی