امریکہ نے کیوبا کے گوانتاناموبے جیل سے دو بھائیوں کو پاکستان منتقل کردیا ہے جس کے بعد گوانتاموبے میں قیدیوں کی تعداد 32 رہ گئی ہے، پینٹاگون نے عبدالربانی اور محمد ربانی کو پاکستان واپس بھیجنے کا اعلان کیا ہے، دونوں کو 2002میں گرفتار کیا گیا تھا،پینٹاگون کے مطابق عبدالربانی القاعدہ کا سہولت کار تھا جبکہ محمد ربانی القاعدہ کے اہم رہنمائوں کے لیے مالی اور سفری سہولتوں میں معاونت فراہم کرتا تھا،پینٹاگون نے ایک بیان میں کہا کہ امریکہ پاکستان اور دیگر شراکت داروں کی جانب سے قیدیوں کو ذمہ دارانہ طور پر کم کرنے اور بالآخر گوانتاناموبے مرکز بند کرنے پر مرکوز امریکی کوششوں کی حمایت کے لیے آمادگی کو سراہتا ہے،پینٹاگون نے اپنے بیان میں کہا ہے کہ جیل میں مجموعی طور پر اب 32قیدی باقی ہیں جن میں سے 18منتقلی کے اہل ہیں۔

کریڈٹ: انڈیپنڈنٹ نیوز پاکستان-آئی این پی