ماہرین صحت نے کہا ہے کہ اچھی نیند لینے سے انسان کے پیٹ کی چربی کم ہوتی ہے جس کے نتیجے میں چھاتی کے کینسر کے خطرے میں کمی ہوتی ہے۔رپورٹ کے مطابق ایک حالیہ تحقیق میں یہ بات سامنے آئی ہے کہ خواتین میں بریسٹ کینسر کے اہم عوامل میں خراب نیند، دائمی اسٹریس اور پیٹ کے گرد چربی شامل ہیں، ماہرین کے مطابق طرز زندگی اور میٹابولک تبدیلیاں خطرات کو نئی شکل دے رہی ہیں، اور اس سے کم عمر خواتین بھی متاثر ہو رہی ہیں۔اس حوالے سے حالیہ تحقیق کو عالمی تحقیقی اداروں کے ڈیٹا کے ساتھ شامل کیا گیا، جو خراب نیند اور جسم کے اندرونی کنٹرولنگ کلاک کے ساتھ ملانے سے بریسٹ کینسر کے بڑھتے ہوئے خطرے سے منسلک پایا گیا۔

ماہرین کے مطابق ناقص نیند میلٹونن ہارمون کے اخراج، ایسٹروجن کے توازن، مدافعتی نظام کی نگرانی اور ڈی این اے کی مرمت کے عمل کو متاثر کرتی ہے، اگرچہ یہ واحد سبب نہیں، مگر جب اس کے ساتھ موٹاپا، دائمی ذہنی دبا، جسمانی غیرفعالیت اور کاہلی پر مبنی طرز زندگی شامل ہو جائیں تو خطرہ کئی گنا بڑھ جاتا ہے۔خراب نیند، عمر یا جینیاتی رجحان جیسے ناقابل تبدیل عوامل کے مساوی نہیں، کیونکہ یہی اب بھی سب سے مضبوط پیش گو عوامل ہیں، تاہم یہ اب ایک نہایت اہم قابل تبدیل خطرے کے عنصر کے طور پر ابھر رہی ہے۔طبی طور پر یہ دیکھا گیا ہے کہ خواتین طویل عرصے کی نیند کی کمی، نائٹ شفٹ میں کام، ذہنی دبا اور میٹابولک خرابیوں کے بعد بریسٹ کینسر کا شکار ہو جاتی ہیں۔

کریڈٹ: انڈیپنڈنٹ نیوز پاکستان-آئی این پی