آسٹریلیا میں ماہی گیروں نے گہرے سمندر سے عجیب و غریب چہرے والی مچھلی پکڑلی۔ غیر معمولی شکل کی وجہ سے اس مچھلی کو ڈومز ڈے فش کا نام دیا گیا ہے۔ماہی گیروں کی اس انتہائی غیر متوقع دریافت نے سوشل میڈیا صارفین کی توجہ حاصل کرلی ۔غیر ملکی میڈیا رپورٹس کے مطابق آسٹریلیا کے جزائر تیوی کے میلویل جزیرے کے قریب ایک نایاب اور خوفناک مچھلی پکڑی گئی۔رپورٹ کے مطابق انسانی قد سے بھی لمبی اس پراسرار مچھلی کو اور مچھلی (Oarfish) کہا جاتا ہے۔مذکورہ مچھلی سائز میں لمبی، بڑی پلیٹ کے سائز کی آنکھیں جس کا سر گھوڑے سے مشابہت رکھتا ہے۔یہ عام طور پر سمندر کی ایک ہزار میٹر تک کی گہرائی میں رہتی ہیں، جس کی وجہ سے ان کا ظارہ کم ہی دیکھنے کو ملتا ہے۔ اورفش شاذ و نادر ہی زندہ نظر آتی ہے، اور اکثر ساحل سمندر پر مردہ پائی جاتی ہے۔نایاب مچھلی کی تصویر سوشل میڈیا پر وائرل ہوئی تو صارفین نے کمنٹس سیکشن کا رخ کیا۔ایک صارف نے کہا یہ مچھلی سائنس فکشن فلموں میں موجود مچھلی کی طرح نظر آتی ہے۔دوسرے صارف نے لکھا کہ میں نے اس سے پہلے کبھی ایسی مچھلی نہیں دیکھی، کیا دلکش مخلوق ہے۔

کریڈٹ: انڈیپنڈنٹ نیوز پاکستان-آئی این پی