امریکا میں آن لائن گیم سے پیدا ہونے والی رقابت اس وقت انتہائی شکل اختیار کرگئی جب ایک نوجوان اپنے آن لائن دشمن کو نشانہ بنانے نیو جرسی سے ہتھوڑا لے کرفلوریڈا جاپہنچا ،20سالہ ایڈورڈ کینگ نے آن لائن گیم کے دوران پیدا ہونے والی رقابت کے ہاتھوں مجبور ہوکر نیو جرسی سے فلوریڈا تک 750کلومیٹر کا سفر کیا۔ جس شخص پر ہتھوڑے سے حملہ کیا جانا تھا اس کے سوتیلے باپ نے ایڈورڈ کینگ کو پولیس کے آنے تک حملے سے روکے رکھا۔ایڈورڈ کینگ پر قتل بالارادہ سمیت متعدد الزامات کے تحت مقدمہ درج کرلیا گیا ہے۔ عدالت نے اس کی طرف سے دائر کی گئی ضمانت کی درخواست مسترد کردی ہے۔ ساتھ ہی ساتھ اسے آن لائن گیمنگ سے بھی روک دیا گیا ہے۔

کریڈٹ: انڈیپنڈنٹ نیوز پاکستان-آئی این پی