عرب ملک یمن میں 934 بارودی سرنگیں صاف کر دی گئیں، سعودی میڈیا کے مطابق شاہ سلمان مرکز برائے امداد و انسانی خدمات کے منصوبے مسام کے تحت جولائی 2022کے آخری ہفتے کے دوران یمن کے مختلف مقامات سے 934بارودی سرنگیں صاف کرائیں، یہ سرنگیں حوثی ملیشیا نے مختلف مقامات پربچھا رکھی تھیں،37 انسانی بارودی سرنگیں ، 269ٹینک شکن، 624بغیر دھماکے والی اور 4دھماکہ خیز سرنگیں صاف کی گئیں، عدن میں 176ٹینک شکن اور 500بغیر دھماکے والی سرنگیں صاف کی گئیں،الضالع کمشنری کے قعطبہ ضلع میں ایک بم کو غیرموثر کیا گیا جبکہ تین انسانی بارودی سرنگیں ، 37ٹینک شکن، چھ بغیر دھماکے والی اور الحدید کمشنری کے حیس ضلع میں دو بم غیر موثر بنائے گئے، علاوہ ازیں مارب کمشنری کے الوادی ضلع میں تین ٹینک شکن اور 24 انسانی بارودی سرنگیں صاف کی گئیں،رپورٹ میں مزید بتایا گیا ہے کہ شبوہ، عین، عسیلان، تعز، الوازعیہ، المخا اور ذباب مقامات پر مختلف قسم کی بارودی سرنگیں صاف کی گئیں۔

کریڈٹ:
انڈیپنڈنٹ نیوز پاکستان-آئی این پی