مقبول ترین میسیجنگ ایپلیکیشن واٹس ایپ کی جانب سے بھارتمیں 8.4 ملین( 84 لاکھ) بھارتی شہریوں کے اکائونٹس بند کر دئیے گئے۔میڈیا رپورٹس کے مطابق دنیا بھر میں پیغام رسانی کیلئے سب سے زیادہ استعمال کیے جانے والے پلیٹ فارم واٹس ایپ نے 1 ماہ کے دوران 84 لاکھ سے زائد بھارتی واٹس ایپ اکائونٹس بند کر دئیے ہیں۔رپورٹس کے مطابق یہ کارروائی واٹس ایپ کی مالک کمپنی میٹا کی جانب سے جعلی و فراڈ کی سرگرمیوں کے پیشِ نظر عمل میں لائی گئی ہے۔رپورٹس میں کہا گیا کہ اگست 2024 میں واٹس ایپ کو 10 ہزار 707 صارفین کی جانب سے شکایات موصول ہوئی تھیں جن میں سے 93 فیصد شکایات پر فوری طور پر کارروائی کی گئی۔ میٹا نے انفارمیشن ٹیکنالوجی ایکٹ کے تحت بھارت میں تقریبا 8.45 ملین واٹس ایپ اکائونٹس بند کر دئیے ہیں۔واٹس کا اس حوالے سے بیان بھی سامنے آیا ہے جس میں اس نے بتایا کہ واٹس ایپ اکانٹس پر پابندی صارفین کی جانب سے فراڈ اور مشکوک سرگرمیوں کی شکایات ملنے پر عمل میں لائی گئی جبکہ اکانٹس معطل کرنے کا مقصد پلیٹ فارم کے تحفظ کو یقینی بنانا ہے۔ اس پابندی کے تحت مجموعی طور پر بلاک کیے گئے اکانٹس میں سے 1.66 ملین صارفین کو سنگین خلاف ورزیوں کی وجہ سے فوری طور پر بلاک کر دیا گیا تھا جبکہ باقی اکانٹس کو تحقیقات کے بعد مشکوک قرار دینے پر بلاک کیا گیا ہے۔

کریڈٹ: انڈیپنڈنٹ نیوز پاکستان-آئی این پی