امریکا میں جنوبی کیلیفورنیا کے 4 سیون۔الیون اسٹورز پر فائرنگ کے نتیجے میں 2افراد ہلاک اور 3زخمی ہوگئے ہیں۔چینی خبررساں ادارے کے مطابق بریا پولیس ڈیپارٹمنٹ کے ترجمان نے میڈیا کو بتایا کہ مقامی وقت کے مطابق صبح تقریباً 4:18بجے شمالی اورنج کاؤنٹی کے شہر بریا میں ایک 7۔الیون سٹور پر فائرنگ ہوئی جس میں 1مرد ہلاک ہو گیاہماری ابتدائی تحقیقات سے پتہ چلا کہ سٹور کے کیشئیر کو ڈکیتی کے دوران قتل کیا گیا تھا۔
انہوں نے بتایا کہ بعد میں معلوم ہوا کہ لا حبرا میں 7۔الیون سٹور میں ایسا ہی واقعہ پیش آیا جب پولیس افسران جائے وقوعہ پر پہنچے تو انہیں 2افراد ملے جو کہ گولی لگنے سے زخمی ہوئے تھے جنہیں فوری طور پر مقامی ہسپتال منتقل کر دیا گیا ہے اور ان کی حالت مستحکم ہے۔انہوں نے بتایا کہ ایک اور اطلاع کے مطابق اورنج کاؤنٹی سے 40 منٹ کی مسافت پر واقع ریور سائیڈ کاؤنٹی میں مقامی وقت کے مطابق 1:50بجے 1 شخص کو 7۔الیون اسٹور پر گولی مار کر ہلاک کر دیا گیاہے۔انہوں نے مزید بتایا کہ ہم اس خوفناک سانحے کے بارے میں معلومات اکٹھا کر رہے ہیں اور مقامی قانون نافذ کرنے والے اداروں کے ساتھ مل کر کام کر رہے ہیں۔

کریڈٹ:
انڈیپنڈنٹ نیوز پاکستان-آئی این پی