حکومت نے رمضان ریلیف پیکج 2026 کے تحت مالی امداد میں اضافہ کر دیا ہے۔ اب مستحق خاندانوں کو فی گھرانہ 13,000 روپے دیے جائیں گے جس سے 17 لاکھ مستحق گھرانے مستفید ہوں گے۔ یہ اقدام رمضان المبارک سے قبل ہدفی سماجی تحفظ کو مضبوط بنانے کی کوششوں کا حصہ ہے۔منصوبہ بندی، ترقی اور خصوصی اقدامات کی وزارت کے اکنامک پالیسی وِنگ کی جانب سے جاری کردہ ماہانہ ترقیاتی رپورٹ فروری 2026 کے مطابق، وزیرِاعظم نے 16 جنوری 2026 کو ہونے والے ایک اعلی سطحی اجلاس میں اس ترمیم شدہ پیکج کی منظوری دی۔ گزشتہ سال فی خاندان 12,500 روپے دیے گئے تھیجو اس سال بڑھا کر 13,000 روپے کر دیے گئے ہیں۔اس پیکج کا مقصد معاشرے کے کمزور طبقات، خاص طور پر کم آمدنی والے خاندانوں کو رمضان کے دوران بڑھنے والے اخراجات کے پیشِ نظر بروقت مالی سہولت فراہم کرنا ہے۔ مستحقین کا انتخاب پراکسی مینز ٹیسٹ اسکور 32 سے 36 کے درمیان رکھنے والوں میں سے کیا جائے گا تاکہ امداد واقعی ضرورت مند خاندانوں تک پہنچے۔رپورٹ کے مطابق تقریبا 17 لاکھ گھرانوں کو یہ بڑھائی گئی امداد دی جائے گی جو حکومتی اقدامات کے وسیع دائرہ کار کو ظاہر کرتا ہے۔ مستحق خاندانوں کو براہِ راست نقد رقم منتقل کی جائے گی تاکہ وہ خوراک اور دیگر ضروری گھریلو اخراجات آسانی سے پورے کر سکیں۔

اس ریلیف پیکج پر عملدرآمد مختلف اداروں کے باہمی تعاون سے کیا جا رہا ہے۔ بے نظیر انکم سپورٹ پروگرام مستحقین کی نشاندہی، آگاہی اور رقوم کی تقسیم کی قیادت کر رہا ہیجبکہ فنانس ڈویژن اور اسٹیٹ بینک آف پاکستان کے ساتھ مل کر عمل کو مثر بنایا جا رہا ہے۔اسٹیٹ بینک ادائیگی کے طریقہ کار کو حتمی شکل دے رہا ہے اور لین دین کے اخراجات گزشتہ سال کی سطح پر برقرار رکھے گئے ہیں تاکہ مستحقین کو پوری رقم بغیر کسی اضافی کٹوتی کے مل سکے۔موثر اور شفاف تقسیم کے لیے حکومت نے کال سینٹرز کو فوری طور پر فعال کرنے اور بین الوزارتی نگرانی کا نظام قائم کرنے کی ہدایت دی ہے تاکہ کسی بھی انتظامی مسئلے کو بروقت حل کیا جا سکے اور شفافیت برقرار رہے۔عوامی آگاہی پر بھی خاص زور دیا جا رہا ہے۔ ڈیجیٹل اور الیکٹرانک میڈیا کے ذریعے معلومات عام کی جا رہی ہیں تاکہ مستحق خاندان بروقت پروگرام سے آگاہ ہوں اور آسانی سے امداد حاصل کر سکیں۔رپورٹ میں کہا گیا ہے کہ یہ بہتر بنایا گیا ریلیف پیکج عوام دوست پالیسی کی عکاسی کرتا ہیجس میں سماجی تحفظ کو وسیع معاشی حکمتِ عملی کے ساتھ جوڑا گیا ہے۔ ہدفی نقد امداد کمزور طبقے کو عارضی مالی دبا سے بچانے اور فلاحی نتائج کو فروغ دینے میں مدد دیتی ہے۔فی خاندان 13,000 روپے کی امداد اور 17 لاکھ گھرانوں تک رسائی کے ساتھ رمضان ریلیف پیکج 2026 اس بات کا واضح ثبوت ہے کہ حکومت رمضان اور عیدکے موقع پر مستحق افراد کو براہِ راست سہارا دینے پر مسلسل توجہ دے رہی ہے۔

کریڈٹ: انڈیپنڈنٹ نیوز پاکستان-آئی این پی ویلتھ پاک