برطانیہ کے بادشاہ کنگ چارلس سوم نے کینسر کے علاج میں مثبت پیش رفت کے بعد 2026 میں متعدد غیر ملکی دوروں کا منصوبہ بنا لیا ہے۔ غیرملکی خبررساںادارے نے شاہی خاندان کے ذرائع کے حوالے سے رپورٹ میں کہا ہے کہ کنگ چارلس اپنی اہلیہ ملکہ کمیلا کے ہمراہ آئندہ سال 15 ہزار میل سے زائد کا سفر کریں گے۔ ان دوروں میں امریکا اور کیریبین کے ممالک بھی شامل ہیں۔ فروری 2024 میں کینسر کی تشخیص کے بعد کنگ چارلس کے بیرونِ ملک سفر محدود ہو گئے تھے کیونکہ اِنہیں ہفتہ وار علاج کی ضرورت تھی۔حالیہ دنوں میں انہوں نے ایک دورے کے دوران بتایا کہ اِن کی صحت میں بہتری کے سبب علاج میں کمی کی جا رہی ہے۔شاہی خاندان کے ترجمان کے مطابق بادشاہ اس بات پر خوش ہیں کہ ان کی صحت سے متعلق سامنے آنے والی مثبت رپورٹ سے لوگوں کو حوصلہ ملا ہے۔شاہ چارلس نے اپریل 2025 میں امریکا کا دورہ کیا تھا جہاں انہوں نے صدر ڈونلڈ ٹرمپ سے بھی ملاقات کی۔رواں سال کنگ چارلس نے مئی میں کینیڈا اور اکتوبر میں اٹلی کا بھی دورہ کیا تھا۔

کریڈٹ: انڈیپنڈنٹ نیوز پاکستان-آئی این پی