چین نے امریکہ پر زور دیا ہے کہ وہ "باہمی محصولات" کے غلط نفاذ کو درست کرے اور چین اور دیگر ممالک کے ساتھ مساوی، احترام اور باہمی طور پر فائدہ مند مذاکرات کے ذریعے اقتصادی اور تجارتی اختلافات کو دور کرے۔چینی وزارت خارجہ کے ترجمان گو جیاکن نے یہ ریمارکس ایک باقاعدہ پریس بریفنگ میں بڑے تجارتی شراکت داروں پر واشنگٹن کے "باہمی ٹیرف" کے اعلان کے بارے میں پوچھے گئے سوال کے جواب میں دیے۔گو نے کہاکہ "باہمی تعاون" کے بہانے امریکہ نے چین اور دیگر ممالک کی برآمدات پر اضافی محصولات عائد کیے ہیں، جو کہ عالمی تجارتی تنظیم کے ضوابط کی سنگین خلاف ورزی ہیں اور قواعد پر مبنی کثیرالطرفہ تجارتی نظام کو شدید نقصان پہنچاتے ہیں۔چینی فریق اس کی سختی سے مخالفت کرتا ہے اور اپنے جائز حقوق اور مفادات کے پختہ تحفظ کے لیے ضروری اقدامات کرے گا۔ترجمان نے کہا کہ تجارتی یا ٹیرف کی جنگ میں کوئی فاتح نہیں ہے اور تحفظ پسندی کوئی حل پیش نہیں کرتی ہے

کریڈٹ: انڈیپنڈنٹ نیوز پاکستان-آئی این پی