نویں ایشیائی سرمائی کھیلوں کے دوران چین کے خلاف سائبر حملوں کے پیچھے امریکہ اور اس کے اتحادی تھے،یہ بات وزارت خارجہ کے ترجمان نے ایک نئی جاری کردہ رپورٹ کا حوالہ دیتے ہوئے کہی جو چین کے نیشنل کمپیوٹر وائرس ایمرجنسی رسپانس سینٹر اور نیشنل انجینئرنگ لیبارٹری برائے کمپیوٹر وائرس سے بچا کی ٹیکنالوجی نے جمعرات کو جاری کی۔انہوں نے انکشاف کیا کہ شمال مشرقی چین کے صوبہ ہیلونگ جیانگ میں مسابقت کے انفارمیشن سسٹم اور اہم نیٹ ورک کے بنیادی ڈھانچے کو بیرون ملک سے بڑی تعداد میں نیٹ ورک حملوں کا نشانہ بنایا گیا۔ان حملوں کا سراغ امریکہ، نیدرلینڈز اور سنگاپور سمیت ممالک اور خطوں سے لگایا گیا۔ترجمان گو جیاکون نے روزانہ کی نیوز بریفنگ میں بتایا کہ ہم اس رپورٹ کا نوٹس لیتے ہیں اور اس کے سامنے آنے والی بدنیتی پر مبنی سائبر سرگرمی پر شدید تشویش کا اظہار کرتے ہیں۔انہوں نے کہا کہ رپورٹ ایک بار پھر ظاہر کرتی ہے کہ دنیا بھر میں چین سائبر حملوں کا سب سے بڑا شکار ہے۔چین نے امریکہ پر زور دیا کہ وہ ذمہ دارانہ رویہ اپنائے، خود پر غور کرے اور دوسروں پر تہمت لگانے سے باز رہے۔

کریڈٹ: انڈیپنڈنٹ نیوز پاکستان-آئی این پی