محترم سعودی وزیر حج،عمرہ نے اسلامی جمہوریہ پاکستان کے وفد کا استقبال کیا، اور ان کے ساتھ حج سیزن 1444ھ کے انتظامات کے حوالے سے ایک معاہدے پر دستخط کیے

حج، عمرہ سروسز کانفرنس اور نمائش (حج ایکسپو 2023) کے موقع پر، سعودی وزیر حج،عمرہ نے مختلف وفود سے ملاقات کے دوران مختلف ممالک کے ساتھ متعدد معاہدوں پر دستخط کیے۔

یہ معاہدے مملکت کی جانب سے حج، عمرہ اورزیارت کے دوران عازمین کے تجربے کو بہتر بنانے کے لیے پیش کردہ ترقیاتی اقدامات کے تحت آتے ہیں۔

https://inp.net.pk/videos/20230114205545_original_10.mp4: مکمل وڈیو دیکھیں

جناب  وزیرنے حج سیزن 1444ھ کے انتظامات کے لیےاسلامی جمہوریہ پاکستان کے وفد کے ساتھ ایک معاہدے پر دستخط کیے، معاہدے میں مختص حج کوٹہ، ائیرپورٹس اور آمد و روانگی کے ذرائع کے ساتھ ساتھ وہ تنظیمی ہدایات بھی شامل ہیں جو حجاج کرام کے "سفرزندگی" کے لیے ابتداء سفر سے لیکر مملکت سعودی عرب سے واپسی تک ان کی حفاظت اور آرام کی ضامن ہیں ۔

حج ایکسپو 2023 حج اور عمرہ سے متعلق سب سے بڑا اجتماع اور تقریب ہے، کیونکہ اس تقریب میں 57 سے زائد ممالک، 70 سے زائد مقررین ، ماہرین، حج اور عمرہ کے شعبے میں مہارت رکھنے والی 200 کمپنیوں کے ساتھ ساتھ 60,000 سے زائد زائرین شرکت کرتے ہیں ۔

یہ بڑا اجتماع تصورات، نظریات، ایجادات اور تجربات کے تبادلے کا ایک موقع تھا، اور یہ ممالک کے لیے ایک موقع ہے کہ وہ اپنے معاہدوں پر دستخط کریں اور حج اور عمرہ کے سیزن سے پہلے اپنے شہریوں کے معاملات کو ترتیب دیں۔ جو کہ اللہ کے مہمانوں کی راحت اور ان کے تمام تر معاملات کو آسان بنانے کی عکاسی کرتا ہے۔

یاد رہے کہ اس کانفرنس نے چالیس ورکشاپس میں چار دنوں کے دوران، نو اہم سیشنوں کے علاوہ، کئی ایسے موضوعات پر تبادلہ خیال کیا جو حجاج کرام کے تجربے کو فروغ دینے، ڈیجیٹل سروسز کو استعمال کرنے، اور ایک مربوط اور پائیدار نظام کی تعمیر کے لیے کام کرنے میں معاون ہیں۔ جس کا مقصد فراہم کردہ خدمات کے دائرہ کار کو بڑھانا، اور سعودی وژن 2030 کے اہداف کو حاصل کرناہے۔

یہ تمام کوششیں مملکت سعودی عرب کی اس کوشش کے فریم ورک کے اندر آتی ہیں کہ حج پروگرام اور دنیا بھر کے تمام سرکاری،نجی شعبوں،کاروباری افراد اور شراکت داروں کی مشترکہ کوششوں سے خدا کے مہمانوں کو بہترین خدمات فراہم کی جائیں، اور لاجسٹکس، سیکورٹی اور ٹیکنالوجی کے ساتھ ساتھ ثقافتی اور علم کی تمام سطحوں پر ان کے تجربے کو بہتر بنانے کے لیے کام کریں۔

کریڈٹ: انڈیپنڈنٹ نیوز پاکستان-آئی این پی