آصف زرداری پر عمران خان کے قتل کی سازش کے الزام کے کیس میں شیخ رشید کے خلاف فرد جرم عائد نہ ہوسکی،عدالت نے شیخ رشیدکی طبی بنیادوں پر حاضری سے استثنی کی درخواست منظور کر تے ہوئے فرد جرم عائدکرنیکی تاریخ 21 مارچ مقرر کردی۔ جمعرات کو ڈسٹرکٹ اینڈ سیشن کورٹ اسلام آباد میں شیخ رشید کیخلاف آصف زرداری پر عمران خان کے قتل کی سازش کے الزامات سے متعلق کیس کی سماعت ہوئی۔ شیخ رشید نے جوڈیشل مجسٹریٹ عمرشبیر کی عدالت میں طبی بنیادوں پر حاضری سے استثنی کی درخواست دائر کردی۔ درخواست میں موقف اختیار کیا گیا کہ طبیعت ناساز ہے، ڈاکٹروں نے آرام کا مشورہ دیاہے، آج عدالت میں پیش نہیں ہوسکتا، حاضری سے استثنی دیا جائے، شیخ رشید کی میڈیکل رپورٹ بھی درخواست کے ساتھ منسلک کی گئی۔ عدالت نے شیخ رشیدکی طبی بنیادوں پر حاضری سے استثنی کی درخواست منظور کرلی اور فرد جرم عائدکرنیکی تاریخ 21 مارچ مقرر کردی۔ واضح رہے کہ شیخ رشید پر جمعرات کو فرد جرم عائد ہونا تھی، عدالت کی جانب سے حاضری یقینی بنانیکا حکم دیا گیا تھا، گزشتہ سماعت پر پولیس نے مقدمیکا چالان عدالت میں جمع کرایا تھا۔

کریڈٹ: انڈیپنڈنٹ نیوز پاکستان-آئی این پی