صدر مملکت آصف علی زرداری کے نجی دورے پر متحدہ عرب امارات جانے کے بعد چیئرمین سینیٹ یوسف رضا گیلانی نے قائم مقام صدر کا عہدہ سنبھال لیا۔ ایوان صدر کی جانب سے جاری نوٹی فکیشن میں بتایا گیا ہے کہ صدر نے یوسف رضا گیلانی کو قائم مقام صدر مقرر کر دیا، اسی طرح ڈپٹی چیئرمین سینیٹ سیدال خان ایوان بالا میں قائم مقام چیئرمین کے فرائض انجام دیں گے۔ ذرائع ک مطابق صدر مملکت آصف علی زرداری نجی دورے پر دبئی روانہ ہوئے ہیں اور وہ 4 سے 5 دن میں وطن واپس آ جائیں گے۔

کریڈٹ: انڈیپنڈنٹ نیوز پاکستان-آئی این پی