لاہور الیکٹرک سپلائی کمپنی (لیسکو)نے زمان پارک کے باہر لگے کیمپوں میں بجلی چوری کی شکایت پر انتظامیہ کو نوٹس جاری کر دیا۔ نوٹس کے متن کے مطابق سوشل میڈیا پر زمان پارک میں بجلی چوری کی اطلاع ملی جس پر لیسکو کی ٹیم چیکنگ کیلئے پہنچی، زمان پارک میں تعینات سکیورٹی نے لیسکو ٹیم کو چیکنگ کی اجازت نہیں دی، اب پولیس سے مدد لینے کے سوا کوئی راستہ نہیں ہے۔ لیسکو کے نوٹس میں مزید کہا گیا کہ زمان پارک انتظامیہ لیسکو ٹیم کو جب بھی ضرورت ہو چیکنگ میں معاونت کرے، بجلی کے استعمال میں کسی قسم کی بے ضابطگی پائی گئی تو لیسکو کے پاس قانونی چارہ جوئی کا حق ہے۔

کریڈٹ: انڈیپنڈنٹ نیوز پاکستان-آئی این پی