بانی پی ٹی آئی عمران خان اور ان کی اہلیہ بشری بی بی کے خلاف توشہ خانہ ٹو کیس میں وکیل صفائی کی عدم دستیابی کے باعث استغاثہ کے گواہ پر جرح مکمل نہ ہو سکی۔بانی پی ٹی آئی اور سابق خاتون اول بشری بی بی کے خلاف توشہ خانہ ٹو کیس کی اڈیال جیل میں سماعت ہوئی۔کیس کی سماعت سپیشل جج سینٹرل شاہ رخ ارجمند نے اڈیالہ جیل میں کی۔ بشری بی بی کے وکیل ارشد تبریز بیماری کے باعث عدالت پیش نہ ہو سکے۔وکیل صفائی کی عدم دستیابی کے باعث استغاثہ کے گواہ بنیامین پر جرح مکمل نہ ہو سکی، اسپیشل پبلک پراسیکیوٹر ذوالفقار عباس نقوی نے بانی پی ٹی آئی کے وکیل قوسین مفتی کو گواہ پر جرح کرنے کی استدعا کی۔بانی پی ٹی ائی کے وکیل نے مقف اپنایا کہ پہلے بشری بی بی کے وکیل گواہ پر جرح مکمل کریں پھر ہم کریں گے۔عدالت نے وکلا کو ائندہ سماعت پر جرح مکمل کرنے کی ہدایت کی۔عدالت نے قراردیا کہ آئندہ سماعت پر جرح کا عمل مکمل نہ کیا گیا تو تادیبی کاروائی عمل میں لائی جائے گی ۔ بعدازاں سماعت پیر 6 جنوری تک ملتوی کر دی

کریڈٹ : انڈیپنڈنٹ نیوز پاکستان-آئی این پی