پی ٹی آئی رہنمائوں عمر ایوب اور زرتاج گل کی توڑ پھوڑ کے کیس میں عبوری ضمانتوں میں 8 جنوری تک توسیع کر دی گئی۔اسلام آباد کی انسداد دہشت گردی کی عدالت کے جج ابوالحسنات ذوالقرنین نے عمر ایوب اور زرتاج گل کے خلاف تحریکِ انصاف کے سنگجانی جلسے کے دوران توڑ پھوڑ کے کیس کی سماعت کی۔عمر ایوب اور زرتاج گل کی جانب سے وکلا سردار مصروف اور آمنہ علی ایڈووکیٹ عدالت پیش ہوئے اور دونوں کی حاضری سے استثنی کی درخواستیں دائر کیں۔ بعدازاں اسلام آباد کی انسداد دہشت گردی عدالت نے عمر ایوب اور زرتاج گل کی حاضری سے استثنی کی درخواستیں منظور کرتے ہوئے ان کی عبوری ضمانتوں میں 8 جنوری کر توسیع کر دی۔

کریڈٹ : انڈیپنڈنٹ نیوز پاکستان-آئی این پی