تاندلیانوالہ میں پولیس سے بھاگتے ڈاکوئو ں کے لیے فٹ بال گرائونڈ میں گھسنا اس وقت مہنگا پڑ گیا جب میدان میں کھیل جاری تھا، کھلاڑیوں نے ڈاکوئو ں ہی کو فٹ بال بنا کر درگت بنا دی۔تفصیل کے مطابق پنجاب کی تحصیل پیرے دی جھوک میں ڈاکو واردات کے بعد پولیس کی پکڑ سے بچنے کے لیے فرار ہو رہے تھے کہ کھیل کے گرائو نڈ میں داخل ہو گئے جہاں فٹ بال کھلاڑیوں نے انھیں پکڑ کر تشدد کا نشانہ بنایا، اس واقعے کی ویڈیو بھی وائرل ہو گئی ہے۔پولیس حکام کے مطابق 2 ڈاکو گائہں پیرے دی جھوک میں واردات کے بعد فرار ہوئے، تو سی آئی اے پولیس نے موٹر سائیکل سوار ڈاکوں کا پیچھا کیا، ڈاکو موٹر سائیکل ایک جگہ چھوڑ کر گرائونڈ میں گھس گئے۔ گرائو نڈ میں اس وقت فٹ بال کھیلی جا رہی تھی، فٹ بال ٹیم کے ارکان نے دونوں ڈاکوں کو پکڑ لیا اور تشدد کے بعد پولیس کے حوالے کر دیا۔گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔

کریڈٹ: انڈیپنڈنٹ نیوز پاکستان-آئی این پی