حکومت پنجاب نے سرگودھا میں محمد نواز شریف انسٹی ٹیوٹ آف کارڈیالوجی اور قینچی اوور ہیڈ برج کو 31دسمبر2024 تک مکمل کرنے کی ہدایت جاری کردی۔دونوں منصوبے سرگودھا کے شہریوں کیلئے حکومت پنجاب کا ایک شاندار تحفہ ہیں۔جنوری کے پہلے ہفتہ میں ان دونوں منصوبوں کا افتتاح کرنے کے ساتھ ساتھ قینچی موڑ سے براستہ جنرل بس سٹینڈ چونگی نمبر9سیٹلائٹ ٹان چوک تا اسلام پورہ پل تک دو رویہ سڑک کا افتتاح بھی کیا جائے گا۔ اس سڑک پر قائم سروسز روڈ کو ختم کرکے اسے دو رویہ بنایا جائیگا ۔یہ منصوبہ جات ضلعی صدر پاکستان مسلم لیگ (ن) و ڈائریکٹر ویسٹ مینجمنٹ اتھارٹی عبدالرزاق ڈھلوں اور سٹی صدر ڈاکٹر لیاقت علی خان کی درخواست پر منظور کیا گیا ہے جس کے فنڈز ریلیز کردیئے گئے ہیں اور جلد سڑک کی تعمیر کا کام شروع کردیا جائیگا۔

کریڈٹ: انڈیپنڈنٹ نیوز پاکستان-آئی این پی