ساتویں جماعت کے طالب علم کو بوری میں بند کرکے اغوا کرنے کی کوشش ناکام ہو گئی۔ پولیس کے مطابق خوازہ خیلہ سوات کے علاقے شالپین میں ساتویں جماعت کے طالب علم عثمان کو اغوا کرنے کی کوشش کی گئی۔ طالب علم اسکول جا رہا تھا کہ 2 افراد نے تشدد کرکے بوری میں بند کردیا۔ ملزمان نے بچے کو تشدد کا نشانہ بنایا، جس سے طالب علم عثمان زخمی ہوگیا۔ بچے کی چیخ و پکار سن کر مقامی افراد نے پولیس کو اطلاع دی، جس پر پولیس نے موقع پر پہنچ کر بچے کو بوری سے نکال کر اسپتال منتقل کیا۔ پولیس نے اغوا کار 2 ملزمان نجیب اللہ اور اختر کو گرفتار کرکے تفتیش شروع کردی ہے۔

کریڈٹ: انڈیپنڈنٹ نیوز پاکستان-آئی این پی