سندھ ہائیکورٹ کے آئینی بینچز کی جنوری 2025 کی کارکردگی رپورٹ جاری کر دی گئی ہے، جس کے مطابق ایک ماہ کے دوران صوبے بھر میں 1765 مقدمات نمٹائے جا چکے ہیں۔رپورٹ کے مطابق دو رکنی آئینی بینچز نے جنوری کے مہینے میں 1545 مقدمات نمٹائے، جبکہ یکم جنوری سے 31 جنوری تک سنگل بینچز نے 220 مقدمات کے فیصلے سنائے۔ پرنسپل سیٹ کراچی میں موجود چار آئینی بینچز نے 1252 مقدمات نمٹائے، جبکہ سرکٹ بینچ سکھر نے 74 مقدمات کے فیصلے کیے۔ رپورٹ کے مطابق حیدر آباد سرکٹ بینچ نے 117 مقدمات نمٹائے، لاڑکانہ سرکٹ بینچ نے 45 مقدمات جبکہ میرپورخاص سرکٹ بینچ نے 57 مقدمات کے فیصلے سنائے۔

کریڈٹ: انڈیپنڈنٹ نیوز پاکستان-آئی این پی