سکرنڈ پولیس تھانے میں مبینہ طور پر پولیس تشدد سے جاں بحق ہونے والینواز زرداری کی ابتدائی پوسٹ مارٹم رپورٹ میں تشدد کی تصدیق ہوگئی۔ایم ایل او سکرنڈ ڈاکٹر مظہر زرداری نے ابتدائی پوسٹ مارٹم رپورٹ جاری کردی جس میں بتایا گیا ہیکہ نواز زرداری کے جسم کے مختلف حصوں پر چھڑی سے ضربیں لگائی گئیں۔نواز زرداری کے جسم کے مختلف اعضا روہڑی لیبارٹری بھجوائے گئے ہیں تاہم حتمی رپورٹ آنے کے بعد موت کی وجہ معلوم ہوسکے گی۔نواز زرداری 2 روز قبل سکرنڈ پولیس کی حراست میں تشدد سے جاں بحق ہوا، نواز زرداری کی ہلاکت کا مقدمہ درج کرکے سکرنڈ تھانے کے ایس ایچ او، ہیڈ محرر اور ایک پولیس اہلکار کو گرفتار کرلیا گیا ہے۔آئی جی سندھ کے حکم پر ڈی ایس پی سکرنڈ یار محمد پھلپوٹو کو بھی معطل کرنے کا نوٹیفکیشن جاری کردیا گیا ہے۔

کریڈٹ: انڈیپنڈنٹ نیوز پاکستان-آئی این پی