سینئر صحافی و خبر رساں ادارے'' آئی این پی'' کے بانی رکن اور چیف نیوز ایڈیٹر نصیر قریشی رضائے الہی سے انتقال کر گئے ،نماز جنازہ ان کے آ بائی شہر ڈیرہ اسماعیل خان میں ادا ، آبائی قبرستان میں سپرد خاک، نماز جنازہ میں خبر رساں ادارے آئی این پی کے ایڈیٹر آفتاب چوہدری سمیت معروف سماجی و سیاسی شخصیات نے شرکت کی ۔ تفصیلات کے مطابق سینئر صحافی و خبر رساں ادارے'' آئی این پی'' کے بانی رکن اور چیف نیوز ایڈیٹر نصیر قریشی گزشتہ ہفتے آفس سے گھر واآپس جاتے ہوئے موٹر سائیکل حادثہ کے باعث کومہ میں چلے گئے تھے اور نجی ہسپتال میں زیر علاج تھے جہاں پر وہ گزشتہ رات انتقال کر گئے ۔ نصیر قریشی کی نماز جنازہ ان کے آ بائی شہر ڈیرہ اسماعیل خان میں ادا ، آبائی قبرستان میں سپرد خاک ،نماز جنازہ میں آئی این پی کے ایڈیٹر آفتاب چوہدری سمیت معروف سماجی و سیاسی شخصیات نے شرکت کی۔ نصیر قریشی خبر رساں ادارے'' آئی این پی'' کے بانی رکن تھے ۔ آئی این پی کے ایڈیٹر ان چیف سید آصف صلاح الدین نے مرحوم کے انتقال پر گہرے دکھ اور افسوس کا اظہار کرتے ہوئے کہا ہے کہ مرحوم نصیر قریشی انتہائی محنتی ، خوش اخلاق اور اپنے شعبے میں بہت مہارت رکھتے تھے۔مرحوم نے سوگواروں میں ایک بیٹا ، ایک بیٹی اور بیوہ چھوڑے ہیں ۔

کریڈٹ: انڈیپنڈنٹ نیوز پاکستان-آئی این پی