سیکیورٹی فورسز نے خیبر پختونخوا کے ضلع شمالی وزیرستان میں ایک آپریشن کے دوران فتنة الخوارج کے 8دہشت گردوں کو ہلاک کرد یا جبکہ اسلحہ اور گولہ بارود بھی برآمد کرلیا گیا ۔پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے رزمک میں انٹیلی جنس معلومات کی بنیاد پر سیکورٹی فورسز کی جابن سے آپریشن کیا گیا جس کے دوران فائرنگ کے تبادلے میں 8 دہشت گردوں کو جہنم واصل کردیا گیا جبکہ خوارج کے قبضے سے اسلحہ اور گولہ بارود بھی برآمد کرلیا گیا، ہلاک دہشتگرد فورسز، معصوم شہریوں کی ٹارگٹ کلنگ میں ملوث تھے۔آئی ایس پی آ ر کے مطابق علاقے میں ممکنہ طور پر موجود مزیدکسی اور خارجی کے خاتمے کیلئے آپریشن کلئیرنس جاری ہے ۔ سکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں۔

کریڈٹ: انڈیپنڈنٹ نیوز پاکستان-آئی این پی