رکن قومی اسمبلی شیر افضل مروت نے تین ماہ کے لیے پارٹی کی سرگرمیوں سے لاتعلقی کا اظہار کر تے ہوئے کہا ہے بانی سے ملوں گا، اگر قائل نہ ہوئے تو مجھے سیاست میں رہنے کا شوق نہیں۔ ایک انٹرویو میں شیر افضل مروت نے کہا ہے کہ 3 ماہ کیلئے پارٹی کی تمام سرگرمیوں سے لاتعلقی کا اظہار کرتا ہوں، میں 3 ماہ تک پارٹی کی کسی سرگرمی میں حصہ نہیں لوں گا،انہیں احساس ہوا تو بانی کے کہنے پر فیصلہ واپس لے لوں گا۔ شیر افضل مروت نے کہا کہ علی امین گنڈاپور کو بھی کھڈے لائن لگادیا گیا، بانی کو بڑی مایوسی ہوگی، اگر وہ ان لوگوں پر انحصارکریں گے، اندھے کو نظرآنے لگتا ہے تو وہ سب سے پہلے اسی لاٹھی کو توڑتا ہے جس سے چلتا تھا۔ سابق پی ٹی آئی رہنما نے مزید کہا کہ میں بانی پی ٹی آئی عمران خان سے جیل میں ملوں گا، اگر وہ قائل نہ ہوئے تو مجھے بھی مزید سیاست میں رہنے کا شوق نہیں ہے۔

کریڈٹ: انڈیپنڈنٹ نیوز پاکستان-آئی این پی