اقوام متحدہ کی موسمیاتی تبدیلیوں اور مسائل کے حل سے متعلق تنظیم سی او پی 27 نے شہبازشریف کو نائب صدارت دینے کا اعلان کردیا۔ وزیراعظم شہبازشریف کو بڑے عالمی اعزاز سے نوازا گیا ہے، اور اقوام متحدہ کی موسمیاتی تبدیلیوں اور مسائل کے حل سے متعلق تنظیم سی او پی 27 نے انہیں نائب صدارت دینے کا اعلان کر دیا ہے۔ اقوام متحدہ کے 195ممالک میں سے پاکستان کو یہ اعزاز ملا ہے، شہباز شریف کی ماحولیاتی تبدیلیوں کے حوالے سے پراثر آواز پر انہیں یہ منصب دیا گیا۔ مصر کے صدر عبدالفتاح السیسی نے وزیراعظم شہباز شریف کو کانفرنس آف پارٹیز27 کے اجلاس کی مشترکہ صدارت کی دعوت بھی دیدی، اجلاس مصر کے شہر شرم الشیخ میں 6 سے 18 نومبر تک ہوگا۔ وزیراعظم شہباز شریف، ناروے کے وزیراعظم اور مصر کے صدر گول میز کانفرنس کی مشترکہ صدارت کریں گے، اجلاس میں عالمی سربراہان، حکومتوں کے سربراہ، عالمی مالیاتی اداروں اور تھنک ٹینکس کے ذمہ دار شرکت کریں گے۔ حالیہ سیلاب کے بعد وزیراعظم شہباز شریف نے شنگھائی تعاون تنظیم اور اقوام متحدہ کی جنرل اسمبلی کے 77 ویں اجلاس میں ماحولیاتی تبدیلیوں پر مثر آواز اٹھائی تھی ۔

کریڈٹ: انڈیپنڈنٹ نیوز پاکستان-آئی این پی