مسلح افواج اور اداروں کے خلاف بیان پر پاکستان تحریک انصاف کے رہنما شہباز گل کے خلاف درج مقدمہ ختم کرنے کے لیے بلوچستان ہائیکورٹ میں درخواست جمع کرادی گئی۔ شہباز گل کے خلاف درج مقدمہ ختم کرنے کے لیے بلوچستان ہائی کورٹ میں انصاف لائرز فورم کی جانب سے درخواست دائر کی گئی ہے۔ عدالت نے شہباز گل پر درج مقدمے کے خاتمے کے لیے درخواست سماعت کے لئے منظور بھی کرلی ہے۔ پاکستان تحریک انصاف کے رہنما شہباز گل کے وکیل اقبال شاہ ایڈووکیٹ کا کہنا ہے کہ سینیٹر اعظم سواتی کی طرح شہباز گل کے خلاف کے بھی بلوچستان میں ایف آئی آر درج کی گئی تھی ، جس کو ختم کرنے کے لیے آج بلوچستان ہائی کورٹ میں درخواست جمع کرادی گئی ہے۔

کریڈٹ: انڈیپنڈنٹ نیوز پاکستان-آئی این پی