شانگلہ کی تحصیل آلپوری کے علاقے مٹہ اعوان میں ایک گاڑی ڈرائیور کے قابو سے باہر ہو کر گہری کھائی میں جاگری، جس کے نتیجے میں چار افراد موقع پر ہی جاں بحق ہو گئے جبکہ ایک شخص زخمی ہوا۔ریسکیو 1122 کے مطابق حادثے کے فورا بعد امدادی ٹیمیں موقع پر پہنچ گئیں۔ زخمی کو ابتدائی طبی امداد دینے کے بعد ڈسٹرکٹ ہیڈکوارٹر اسپتال آلپوری منتقل کر دیا گیا ہے۔ریسکیو حکام کے مطابق جاں بحق افراد کا تعلق صوبہ پنجاب کے شہر ملتان سے ہے۔ حادثے کی وجوہات جاننے کے لیے مزید تفتیش جاری ہے۔

کریڈٹ: انڈیپنڈنٹ نیوز پاکستان-آئی این پی