صدر مملکت آصف علی زرداری اور وزیر اعظم شہبازشریف نے امریکی صدر جوزف بائیڈن کی کورونا سے جلد صحت یابی کے لیے نیک خواہشات کا اظہار کیا۔اپنے پیغام میں صدر آصف علی زرداری نے کہا کہ صدر بائیڈن کی صحت اور تندرستی کے لیے میری نیک تمنائیں ان کے ساتھ ہیں ۔ دریں اثناء وزیراعظم شہبازشریف نے بھی امریکی صدر جوزف بائیڈن کے کورونا میں مبتلا ہونے پر سماجی رابطے کی ویب سائٹ ایکس پر اپنا پیغام دیتے ہوئے کہا کہ جوزف بائیڈن کی صحت یابی کیلئے دعاگوہوں اور نیک تمناں کا اظہار کرتا ہوں۔واضح رہے امریکا کے صدر جوبائیڈن دوسری بار کورونا میں مبتلا ہو گئے جس کے بعد انہوں نے تمام سیاسی مصروفیات ترک کر دی ہیں۔

کریڈٹ: انڈیپنڈنٹ نیوز پاکستان-آئی این پی