سانگھڑ کے علاقے سنجھورو میں شیخ اور کھورکھانی برادری کے درمیان بچوں کے معمولی جھگڑے میں 10 افراد زخمی ہوگئے۔پولیس کے مطابق یہ واقعہ سانگھڑ کے علاقے سنجھورو میں پیش آیا جہاں شیخ اور کھور کھانی برادری میں بچوں کی معمولی بات پر تصادم ہوا۔جھگڑا اس قدر بڑھ گیا کہ فائرنگ اور کلہاڑیوں کے وار سے دونوں جانب کے 10 افراد زخمی ہو گئے۔زخمیوں کو مقامی اور نواب شاہ کے اسپتالوں میں منتقل کردیا گیا جھگڑے میں شیخ برادری کے 7 اور کھورکھانی گروپ کے 3 افراد زخمی ہوئے۔زخمیوں میں پیپلز پارٹی کے کونسلر حنیف شیخ اور پیپلز پارٹی کے سٹی جنرل سیکریٹری رئیس گلاب خان کھورکھانی بھی شامل ہیں۔

کریڈٹ: انڈیپنڈنٹ نیوز پاکستان-آئی این پی