نائب صدر پیپلز پارٹی سینیٹر شیری رحمان نے کہا ہے کہ پاکستان کے بعد اب امریکی ایوان میں بھی سائفر بیانیہ کو جھوٹ کا پلندا کہہ کر مسترد کیا گیا ہے۔ ، ایک سفارتی تحریر کو سیاسی اور ذاتی مفادات کیلئے توڑ مروڑ کر پیش کیا گیا، سائفر بیانیہ کو اپنے چھوٹے سیاسی مقاصد کے حصول کیلئے ملکی اور خارجی مفادات کو دا ئوپر لگانے کی بدترین مثال کے طور پر یاد رکھا جائے گا،امریکی کانگریس کی خارجہ امور کمیٹی میں ڈونلڈ لو کے بیان پر ردعمل دیتے ہوئے سینیٹر شیری رحمان نے کہا کہ امریکی کانگریس کی خارجہ امور کمیٹی میں ڈونلڈ لو نے واضح طور پر سائفر بیانیہ ایک جھوٹ قرار دیا۔شیری رحمان نے کہا کہ اب یہ باضابطہ طور پر طے ہو چکا ہے کہ سائفر کو بنیاد بنا کر پی ٹی آئی نے اپنے سیاسی مقاصد کا تحفظ کیا، آڈیو لیک میں بانی پی ٹی آئی اور ان کے ساتھی سائفر پر سیاست کھیلنے کی منصوبہ بندی کرتے سنائی دیئے۔انہوں نے کہا کہ بانی پی ٹی آئی کے پرنسپل سیکرٹری سائفر کیس سماعت میں تفصیلی وضاحت پیش کر چکے ہیں، ایک سفارتی تحریر کو سیاسی اور ذاتی مفادات کیلئے توڑ مروڑ کر پیش کیا گیا، سائفر بیانیہ کو اپنے چھوٹے سیاسی مقاصد کے حصول کیلئے ملکی اور خارجی مفادات کو دا ئوپر لگانے کی بدترین مثال کے طور پر یاد رکھا جائے گا۔

کریڈٹ: انڈیپنڈنٹ نیوز پاکستان-آئی این پی