سابق چیف جسٹس قاضی فائز عیسی کو عمران خان کے مقدمات سننے سے روکنے کے کیس میں ایڈووکیٹ حامد خان کی عدم حاضری پر سماعت ملتوی کر دی گئی،جسٹس جمال مندوخیل نے ریمارکس دیتے ہوئے کہاکہ معاملے کو حل تو کرنا پڑے گا،جج کو مقدمہ سننے سے روکنے کا دالتی حکم دیا گیا،آئندہ کیلئے بھی معاملے کا حل ضروری ہے۔جسٹس امین الدین خان کی سربراہی میں پانچ رکنی آئینی بنچ نے کیس کی سماعت کی۔جسٹس محمد علی مظہر نے ریمارکس دیئے کہ کیا یہ کیس غیر موثر نہیں ہو گیا؟ عدالتی بنچ نے قاضی فائز عیسی کو بانی تحریک انصاف کے کیسز سننے سے روک دیا تھا، جسٹس قاضی فائز عیسی تو ریٹائرڈ ہو گئے ہیں، کیا جج کی ریٹائرمنٹ کے بعد یہ لائیو ایشو ہے؟جسٹس جمال مندوخیل نے ریمارکس دیئے کہ معاملے کو حل تو کرنا پڑے گا، جج کو مقدمہ سننے سے روکنے کا عدالتی حکم دیا گیا، مستقبل کے لیے معاملے کو حل کرنا پڑے گا، ایڈووکیٹ حامد خان کدھر ہیں؟ایڈووکیٹ اجمل طور نے بتایا کہ ایڈووکیٹ حامد خان سینیٹ کمیٹی اجلاس میں شرکت کی وجہ سے دستیاب نہیں ہیں۔

جسٹس جمال مندوخیل نے استفسار کیا کہ سینیٹ کمیٹی کا اجلاس کتنے بجے ہے؟ ایڈووکیٹ اجمل طور نے بتایا کہ سینیٹ کمیٹی کا اجلاس دو بجے ہے، جسٹس جمال جمال مندوخیل نے ریمارکس دیے کہ پھر تو حامد خان کو عدالت آنا چاہیے تھا، سیاست کر لیں یا پھر وکالت کر لیں۔ایڈووکیٹ اجمل طور نے کہا کہ کیس فکس ہونے سے متعلق سپریم کورٹ کی طرف سے آگاہ ہی نہیں کیا گیا، سپریم کورٹ نے ایڈووکیٹ حامد خان کی عدم دستیابی پر سماعت ملتوی کر دی۔ جسٹس امین الدین خان کی سربراہی میں پانچ رکنی بنچ نے وکیل حامد خان کی درخوات پر سماعت ملتوی کر دی۔وکیل رہنما حامد خان نے التوا کی درخواست دائر کی جس میں بتایا گیا کہ سینیٹ کمیٹی کا اجلاس ہے اس لیے عدالت میں پیش نہیں ہو سکتا۔ایڈیشنل اٹارنی جنرل نے کہا کہ مائی لارڈ گلگت بلتستان عدلیہ کا معاملہ سیاسی ایشو بن گیا ہے، جسٹس امین الدین خان نے کہا کہ کیا زیر التوا کیس کی وجہ سے جی بی عدلیہ کی ورکنگ متاثر ہو رہی ہے؟ ایڈیشنل اٹارنی جرنل نے کہا کہ عدلیہ کی ورکنگ کا ایشو تو آرہا ہے۔

کریڈٹ: انڈیپنڈنٹ نیوز پاکستان-آئی این پی